隱藏喺舊式商場嘅正宗日本味道
叫咗份和牛二人套餐，另加咗三文魚子玉子燒
套餐包咗刺身三點- 有三文魚 油甘魚 同甜蝦,
刺身本身厚厚切 鮮味同質感上乘
可以睇到師傅嘅心思🫶
甜蝦偏大隻仲好鮮甜🦐建議上菜第一樣就食佢
清酒廣島蠔鍋
廣鳥蠔本身質素有保證😬
蠔肚圓形飽滿蠔味十足 清酒清湯煮出黎更加呈現個鮮味
十分符合日式料理嘅混和配搭原理
而且份量都唔細每人唔止幾隻 十分滿足😌
A4和牛壽喜燒
用壽喜燒汁整嘅A4和牛，部位因為選用西冷
牛味十分突出😎
同以肥美油脂為主部位比較另有一種風味
令你有種「這就是牛肉」的感覺
味道偏甜 沾上蛋漿就啱哂👍
一啖放入口感受A4和牛嘅滋味
最後以濃汁煮清新雜菜,非常入味
配上濃味嘅牛肉就至適合🙌
鐵板A4西冷和牛
以洋蔥黑椒汁做底，牛肉本身中心半熟
入口嫩滑😃一邊以黑椒汁打開味蕾一邊咀嚼牛肉香味
建議喺食壽喜燒牛肉之前食
三文魚子玉子燒
加碼來多個玉子燒
睇住日本師傅逐層逐層完成玉子燒都算係餐廳一種體驗
係你收埋喺屋企叫外賣無可能得到嘅享受
蛋漿鮮甜又蛋味入足😗
相信蛋漿本身係用特定配方製成
襯熱食可以達至食蛋嘅最高境界 😎
清酒一勺
叫左一勺餐廳是日清酒
味道本身好平均無突出
但配合起甜食同海鮮立即變左另一回事😍
飲2啖又食2啖
食物同酒相輔相成完美結合
或者就係居酒屋本身特色😋😋
