CURE (Closed)

喺朋友邀請下，嚟到北角呢間隱世酒吧。佢喺北角地鐵站A4出口，一出就見到，真係好方便！酒吧設計主打型格路線，適合同一大班朋友一齊飲酒傾偈。➰ Nostalgia in a Glass呢杯cocktail飲落好香濃咖啡嘅味道，仲有少少肉桂味，幾易入口。➰ Warmth & Whispers由煙肉、黑莓、威士忌等配搭而成嘅cocktail, 估唔到個黑莓味可以咁突出，有驚喜！➰ Calm Currents 蛋白、葡萄柚汁、檸檬汁、白爵茶酒嘅cocktail, 飲到淡淡嘅檸檬味，仲有帶甘嘅茶味，係好特別嘅感覺！➰ Blossom Kiss呢杯好濃嘅荔枝味，而且好易入口，仲有淡淡嘅玫瑰味，岩曬女士們選擇。➰ Tranquil Temptation鍾意fruity 嘅可以揀呢杯，飲落好香濃嘅百香果味，好易入口。➰ Vitality Vibe呢杯飲落好似柚子汁嘅cocktail ，係由青檸汁、無花果和百里香等製成，既有果香味、又易入口。➰炸雞翼炸到金黃香脆嘅炸雞翼，外脆內軟，而且食落辣辣地，好惹味！➰炸雞軟骨呢個小食岩曬送酒，而且仲金黃香脆，份量十足。