高興+ (Closed)

北角可為香港傳統小社區，老一輩嘅人都會喺度定居， 比較多傳統特色老店小店-例如德興蛋捲王，也有好多雲吞麵、粥粉麵舖。 因中上環寫字樓不敷應用，政府有意打造港島東成為另外一個商業中心，所以近年有好多商務人士都搬咗去北角炮台山一帶，也吸引西餐業的垂注。 （高興happinesssss）位於前北角邨地皮嘅對面，鋪頭嘅賣點就係特色嘅香港風景，小店嘅牆壁有好多古舊北角碼頭嘅風景畫，使人惦記着老香港辛勞而繁盛嘅歷史。炸魚薯條$54，呢個價錢相當抵，出面食炸魚薯條起碼100蚊以上。呢度用咗大眾喜愛嘅龍脷柳，炸得夠淋夠香口。 卡邦尼煙肉意大利粉$68， 呢度嘅recipe比較重奶香味，所以相對會較creamy ，配料嘅份量都好多有大量煙肉片同埋蘑菇粒。 串燒香烤牛柳粒$44， 慢慢烤，啲牛味都出曬嚟，夠曬香濃。 法式橙醬三文魚扒$172， 三文魚個位超級靚， 橙白色嘅分佈就好似間條衫咁，工整有序，油脂位同埋肉位睇都夠哂sharp醒。加18蚊有健康果汁飲， 左邊嗰個係奇異果 椰青水，右邊嘅係五種蔬果汁，甜甜地幾開胃，排毒首選！