Video
Read full review
2022-10-22
966 views
今日lunch嚟到食呢間嘅日式放題，有幾種選擇有定量同埋放題揀，仲有90分鐘同埋60分鐘，咁就揀咗90分鐘會食得晒啲冇咁趕時間！90分鐘放題套餐 美國特選牛放題 $198 另收加一 (7.2/10)包括肉類(丹麥豚肉/嚴選特級牛胸腹/美國特選牛)，自助吧美食放題，甜品，飲品。🍴丹麥豚肉 (7/10)豚肉脂肪比例適中，入口都唔鞋口，有豬肉味，正常ok！🍴嚴選特級牛胸腹 (3/10)牛肉怪怪哋，好腥嘅味道，太肥，好似食減肥膏咁！懷疑街市最cheap最平嗰隻肥牛，都唔知係咪合成肉嚟🤣🍴美國特選牛 (7.5/10)呢個最好食，入口都OK，唔會乾身鞋口，偏瘦，但肥瘦適中，都有牛肉嘅香味！真心呢個抵食，唔會太肥膩之餘又可以食得多啲！自助吧 (7.5/10)丸嘅種類好少，墨魚丸麻麻哋，芝土魚豆腐好食 ，比較淋身魷魚味，貢丸都幾香濃香菇豬肉味，其他配菜都正正常常！蔬菜竟然有羽衣甘藍，幾爽口，今個平時呢個好貴🤣🤣嘢飲都好多選擇，識揀一定揀解茶！雪糕Movenpick係咁食㗎！去到嗰日得朱古力同埋士多啤梨味，但都幾唔錯，不過好挖整出嚟因為太硬身啦！推薦指數: 7.2/10中午嚟講$200 90分鐘任食，肉
90分鐘放題套餐 美國特選牛放題 $198 另收加一 (7.2/10)
包括肉類(丹麥豚肉/嚴選特級牛胸腹/美國特選牛)，自助吧美食放題，甜品，飲品。
🍴丹麥豚肉 (7/10)
豚肉脂肪比例適中，入口都唔鞋口，有豬肉味，正常ok！
🍴嚴選特級牛胸腹 (3/10)
牛肉怪怪哋，好腥嘅味道，太肥，好似食減肥膏咁！懷疑街市最cheap最平嗰隻肥牛，都唔知係咪合成肉嚟🤣
🍴美國特選牛 (7.5/10)
呢個最好食，入口都OK，唔會乾身鞋口，偏瘦，但肥瘦適中，都有牛肉嘅香味！真心呢個抵食，唔會太肥膩之餘又可以食得多啲！
自助吧 (7.5/10)
丸嘅種類好少，墨魚丸麻麻哋，芝土魚豆腐好食 ，比較淋身魷魚味，貢丸都幾香濃香菇豬肉味，其他配菜都正正常常！蔬菜竟然有羽衣甘藍，幾爽口，今個平時呢個好貴🤣🤣
嘢飲都好多選擇，識揀一定揀解茶！雪糕Movenpick係咁食㗎！去到嗰日得朱古力同埋士多啤梨味，但都幾唔錯，不過好挖整出嚟因為太硬身啦！
推薦指數: 7.2/10
中午嚟講$200 90分鐘任食，肉類嘅質素OK，自助吧嘅配料都OK，計埋個價錢同埋時間都OK嘅！可能食Movenpick雪糕都可以回本？😆唔會中伏，但冇特別有驚喜！
Post
