NY Garden (Closed)

前幾日見到網上介紹北角有間新嘅foodcourt，嚟到之後發現同想像中真係差唔多，係好有中東嘅感覺，但係成個food court嘅環境俾我想中細，餐廳嘅選擇都唔算好多，勝在種類OK！我就試咗呢一間最近門口嘅餐廳，嗰日大概八點到，啲餐廳啲嘢都就嚟賣晒，睇黎好多人覺得好好食🤩自己就嗌左一碗喇沙湯麵，上面啲海鮮超級豐富有青口、豆卜、蝦、冬菇等等，仲有芽菜同半熟蛋，成個賣相勁豐富，個喇沙湯底比較淡，適合一啲冇咁鍾意食重口味嘅人，而佢啲蝦都俾得幾多，一碗有成三四隻咁多，肉質好彈牙！而我仲嗌多咗一個鬼馬釀油條，即係油炸鬼下面配一啲魚肉，喺香港真係第一次食，但係都冇諗過咁好食喎！唔會好油，而且味道適中。最後我同朋友各自嗌左一杯青檸梳打同埋紅毛榴橽特飲。