地點：北角匯
菜式：新加坡菜
餐牌：午市套餐選擇好多，有好多款飯麵，配冷熱飲品，可以加錢升級飲品，設有加一服務費。
31
32
新加坡喇沙 $88 另加一
新加坡喇沙摻摻即係黃色粗麵加幼身粉絲，前者有咬口又滑溜而後者幼滑吸汁，加埋係好正嘅口感。前者有咬口又滑溜而後者幼滑吸汁，加埋係好正嘅口感。個湯又香又滑，梛汁又夠，都頗辣。配有去殼蝦四邊開邊，細魚蛋三粒，同唔少魚蛋條，其他配料有半隻熟蛋，爽口通菜，吸汁豆卜4件，紫洋蔥絲同爽口芽菜，口感豐富。另配青檸一件同參峇醬。
海南雞飯 $88 另加一
海南雞大概有10件，半胸半脾仲有半隻雞翼，雞肉都算嫩，伴有4片青瓜，跟有大大碟三色醬汁。
1
雞油飯大大碗，熱辣辣，好香。
仲有一碗鹹香冬瓜雞湯。
街頭雞串燒 $72 另加一
街頭雞串燒一客四串，熱辣辣上枱，燒得皮脆啖啖肉，撈埋個參峇醬微微辣，好惹味。伴有車厘茄半粒，洋葱絲同青瓜幾粒解膩。
馬來芒果汁配芒果雪糕 加$12 另加一
馬來芒果汁配芒果雪糕有濃厚芒果汁面頭加上半大球芒果雪糕，芒果汁味道唔假，都唔會太甜。呢個價錢好抵。
藍莓巨峰梳打特飲 加$12 另加一
藍莓巨峰梳打特飲有四粒藍莓，巨峰味都唔假，唔會太甜。
今餐食物質素幾好。呢度上菜快捷，座位舒適。
