高興+ (Closed)

今日係北角看完中醫，就係附近穩嘢食！由於唔係經常黎北角所以都唔係好熟路，點知行下行下比對面既呢間餐廳吸引住，可能裝潢多色調，加上太愛餐廳名稱，此刻需要^高興^，所以忍唔住入左去。餐廳入面既裝潢真心好正！尤其呢幅北角村既打卡圖！蕃茄肉醬焗豬柳漢堡意粉呢個焗肉醬漢堡意粉賣相🉐️，感覺好似好cheese咁！不過多cheese我鍾意，而且多肉醬，都幾足料，豬柳漢堡煎得都算香口，主要係焗意粉都唔會差得去邊，所以我係滿意既！忌廉牛油果醬雞翼另外加左款小食，呢個忌廉牛油果醬雞翼我絕對係因為個醬汁吸引到所以點既。果然呢個新組合無令人失望，本身雞翼有小小辣，煎得金黃色，蘸上忌廉（creamcheese）mix 埋牛油果醬，中和左辣度，但同樣其實呢道係醬汁特別同雞翼沾上秘製醬汁夠特別！最後我係食曬個醬，所以都值得一試！Mocha（熱）餐飲加左9蚊點了呢杯mocha，值得一讚既係面層有加到既cream泡，整體黎講都ok，唔算太甜！下次路過既朋友可以一試，價錢黎講都算抵食！