Cakebearbear (Closed)

因為我比較少女心，曾經都去過熊仔主題嘅餐廳打吓卡，所以搜查到有呢一間北角餐廳後就即刻過去食！一入到餐廳，即刻變返細路🧒，因為每張枱都有熊仔公仔配食，而餐廳內嘅主題式係粉紅色（我最愛的）。貪靚嘅我當然要坐主家席啦（全場最靚嘅打卡位置，係一個卡位，整個卡座裝潢似一個鳥籠。有一隻大啤啤陪食！）其他道具仲有摩天輪同鐵塔）🐻熊仔樽冷泡茶熊仔樽有隻煲呔仔非常可愛，而且可以拎走留念。冷泡茶茶味香濃，溫度凍凍地好解薯🌹玫瑰咖啡有玫瑰花🌹香味，甜甜地幾好飲，配埋sleeply bear蛋糕🍰，有好幸福既感覺。-sleeply bear蛋糕分別有兩隻味芝士及朱古力，兩款都係用熊仔倒模做，賣相非常精緻。切落蛋糕非常鬆軟，慕絲入口即溶又甜甜地，口感好好。♦️Dinner set香草燒汁羊架配薯蓉羊架燒得剛剛好切落肉質軟身，外皮又香脆，點埋餐廳自製嘅燒汁味道👅係提升咗好多。明太子大蜆意粉濃濃既明太子汁，軟身既意粉配埋超多蟹子，無論口感同味道都一流。大硯肉質嫩滑又彈牙。