元札幌拉麵 (悅來坊) (Closed)

熊貓酒店商場有唔少餐廳，呢晚去咗元札幌拉麵。餐廳在B1樓，地庫上網訊號或許會爭啲，餐廳貼心地提供 wi-fi，確保訊號無阻。見到餐牌上面嘅推介北海道櫻花蝦拉麵，於是叫左一碗。櫻花蝦非常之多，滿滿的，香脆可口；櫻花蝦下邊就係叉燒，十分大塊，有咬口；仲有半隻溏心蛋！麵質恰到好處，無話太硬又唔會太軟。湯底夠熱，食完成個人暖笠笠。加咗個燒多春魚做餸，一碟總共有三條，燒到好香脆；加少少檸檬汁，味道更加吸引，而且開胃。呢餐埋單HKD132。