DK1885 (Closed)

黃氏力牆，今日同屋企人去到灣仔搵到呢一間北越正宗越南菜。當然要去試下先。*海防手工墨魚餅*。 食得出 每一片墨魚餅，都係師傅手工用心制作，墨魚餅內唔單止有墨魚滑，仲可以食到粒粒墨魚。唔信，食過你就知道。跟住就到*家鄉白灼豬肚* 呢個餸非常特別，聽老闆娘講要食到最正宗食法，首先要將 新鮮豬肚，芽菜再加埋九層塔包住食，連同師傅秘制醬汁，味道不錯，正宗北越食法，香港無咩餐廳食得到，大家可以試下。秘制醬汁！*老街魚露燒豬肉伴檬粉*呢個係我成晚最欣賞嘅必點之選！唔好睇佢簡簡單單，其實都好巧手工，魚露汁酸酸甜甜配搭越南檬粉同北越正宗食法，大家一定叫黎試下。檬粉賣相都好特別！最後到呢個*北正宗牛肉湯河* 牛丸爽口彈牙完全手制，牛肚牛肉亦新鮮，大家不妨一試。