Cinnabon (勿地臣街) (Closed)

鍾意肉桂味嘅朋友一定唔可以錯過呢間店有多款玉桂卷口味選擇嫌太大舊？仲有mini size揀入口鬆軟香濃 食到停唔到口最近仲推出左檸檬椰子味好配合夏日嘅味道🔸經典肉桂卷經典口味係一定要試！每層麵包卷鋪滿香濃嘅肉桂粉，咬入口鬆軟無比，口感極好，配埋飲品作為下午茶好正。🔸檸檬椰子卷呢款完全係夏天嘅代表，口味清新！麵包卷沾上左檸檬醬，酸酸甜甜好開胃，面層鋪有滿滿嘅香甜椰絲，中和檸檬醬嘅酸度。🔸花生醬黑朱古力卷超鍾意呢款口味🤭麵包卷並無加入肉桂粉，沾滿黑朱古力醬，而面層就有滿滿嘅花生醬，當中仲有好多花生粒。🔸焦糖蘋果肉桂卷呢個味道真係不得了，既有玉桂嘅香味，又有焦糖蘋果係面層作為配搭，甜得嚟帶點酸，好好食！🔸冷泡咖啡（Vanilla Cream）咖啡混合左雲尼拿忌廉，口感變得特別滑溜，不過唔會甜，保留到咖啡嘅苦澀味，朝早飲翻杯好醒神。🔸Coconut Lemonade呢款係夏日新產品，外相望落好有海洋嘅感覺，呈海水藍嘅顏色好吸睛。檸檬🍋味濃郁，味道酸酸甜甜，而且帶有椰子香氣，非常清新嘅感覺。