Video
Read full review
2019-01-09
88 views
好冇食過北京填鴨，咁啱今日朋友請食飯，我哋就去咗食呢間餐廳啦！店員好熱情，就算我哋冇預訂，佢都畀咗一個近海邊嘅窗邊位畀我哋！值得一讚嘅係，呢度嘅餐牌真係影得好靚，而且好有格調，未食已經好有期待感，流曬口水。「打響頭炮」口水雞同粟米羹係第一道菜，都算係一道開胃菜。口水雞味道偏香辣，而且好有芝麻醬香 味。咬落啲雞肉好嫩，同個醬汁幾夾。佢唔係油淋淋好多辣椒油嘅口水雞，反而係重視醬料嘅味道，不過愈食愈會有一種麻辣嘅味道，喺舌頭上散發。睇個樣唔覺得太辣，但食落係會有啲辣嘅，呢個係我幾估唔到。粟米羹係見唔到一粒完整粟米係入邊，佢係將粟米打成糊狀作一個湯汁，中間會有啲竹笙同埋魚肚，兩者咬落都幾爽口，同個粟米味好相配！「金漆招牌」終於到咗填鴨呢個重點啦，呢度食北京填鴨好講究，每一個鴨嘅部位，店員都有細心同我哋去解釋清楚。佢有提到，因為油脂分佈太多嘅部位係唔適合配埋個捲包嚟食既，就咁食就可以。之後有啲部位就可以點黃芥辣同埋藍莓醬黎食，呢兩個配搭我都覺得好新鮮，之前都未食過，幾特別！而鴨肉部分就可以點返傳統嘅北京填鴨醬，同埋夾返青瓜絲食，最正係我有紫色嘅山楂條，咬落好開胃同鴨肉好夾。「桃紅柳綠」一字骨非常
店員好熱情，就算我哋冇預訂，佢都畀咗一個近海邊嘅窗邊位畀我哋！
值得一讚嘅係，呢度嘅餐牌真係影得好靚，而且好有格調，未食已經好有期待感，流曬口水。
1 views
0 likes
0 comments
「打響頭炮」
口水雞同粟米羹係第一道菜，都算係一道開胃菜。口水雞味道偏香辣，而且好有芝麻醬香 味。咬落啲雞肉好嫩，同個醬汁幾夾。佢唔係油淋淋好多辣椒油嘅口水雞，反而係重視醬料嘅味道，不過愈食愈會有一種麻辣嘅味道，喺舌頭上散發。睇個樣唔覺得太辣，但食落係會有啲辣嘅，呢個係我幾估唔到。粟米羹係見唔到一粒完整粟米係入邊，佢係將粟米打成糊狀作一個湯汁，中間會有啲竹笙同埋魚肚，兩者咬落都幾爽口，同個粟米味好相配！
3 views
0 likes
0 comments
6 views
0 likes
0 comments
「金漆招牌」
終於到咗填鴨呢個重點啦，呢度食北京填鴨好講究，每一個鴨嘅部位，店員都有細心同我哋去解釋清楚。佢有提到，因為油脂分佈太多嘅部位係唔適合配埋個捲包嚟食既，就咁食就可以。之後有啲部位就可以點黃芥辣同埋藍莓醬黎食，呢兩個配搭我都覺得好新鮮，之前都未食過，幾特別！而鴨肉部分就可以點返傳統嘅北京填鴨醬，同埋夾返青瓜絲食，最正係我有紫色嘅山楂條，咬落好開胃同鴨肉好夾。
3 views
0 likes
0 comments
「桃紅柳綠」
一字骨非常之開胃，汁醬嘅酸甜度啱啱好，咬落唔會太濃味。而且唔會得骨，入面都有足夠嘅肉畀我去食，當中一字骨嘅肉好重肉香。貌相幾特別，又紅又綠。如果四個人一齊食一碟應該啱啱好，但我哋兩個人食就好似有啲太多。
1 views
0 likes
0 comments
「拍案叫絕」
黑椒蜜糖雞翼係我全晚覺得最震驚嘅一道菜，蜜糖啱啱嚟到嘅時候，依然係呈半融狀態，用筷子夾起雞翼之後，仲有拉絲嘅效果。一黎到枱已經非常之香，同埋好吸引！加埋微微黑椒味，唔太濃，黑椒味同蜜糖出奇地夾！雞肉非常正，軟滑，咬落仲有好多肉汁。
2 views
0 likes
0 comments
「嘖嘖稱奇」
最後上檯嘅係芝士焗大蝦同埋鹹蛋黃鮮魷，大蝦既蝦殼已經係中間開咗邊，用支叉輕輕一吉就可以起到成嚿肉出嚟，食落都算彈牙，大蝦同個芝士汁好夾，芝士汁有微微嘅焦香味，濃稠度岩岩好，又唔太鹹，吊到蝦肉既鮮甜味出黎。 鹹蛋黃鮮魷個皮炸得好香脆，鹹蛋黃味好出，而且夾埋個鮮魷食幾特別。鮮魷本身冇乜調味，鹹蛋黃味幾濃，加埋鮮魷配搭得幾唔錯，只係略嫌鹹蛋黃脆皮放耐咗少少會有啲油膩，所以食嘅時候要快啲食！
Post
