竹島水產 西日放題 (Closed)

聽啊媽講左好耐上水有間新日式餐廳，佢同班師奶friend成日下晝去食lunch貪佢可以任飲。呢日細佬生日一家人去試下夜晚去食放題，去到先知原來生日優惠6人入座就可以免1人，不過我地唔夠人都照食啦，其實佢個價都唔貴。我地食7-9pm，大概7:10pm先俾我地入座，但都計足2個鐘先叫我地買單。入到去比想像中大，呢晚仲有人一行2x個人一齊去，竟然都接咁大個booking!有個自助飲品同甜品櫃，可以任拎（除左雪糕限一人一杯only)，我爸媽勁愛梅酒。細佬本身唔食魚生，呢度就好在有好多熟食，火鍋都係任食，種類都唔少（作為豆腐控我就想佢俾多d豆腐我）全晚覺得最正係火焰香蒜帶子壽司！燒得剛剛好帶子都新鮮！仲有希靈魚都唔錯。天婦羅、手卷果d都正正常常放題水準。熟食仲有羊架、西冷、龍脷，但羊架有點太生，西冷有點太熟，希望可以改善。食雪糕之前食多個烏冬埋尾，唔夠彈牙但不過不失吧。