老北京 (渣甸中心)

Open Now

Now Closed

居台o既一位舊同學來港公幹三天，為怕行程過緊而搵唔到啱口味o既餐廳，所以就專登揀喺銅鑼灣位於台灣名牌小籠包店側旁o既酒店留宿，諗住早晚都可以食小籠包。到佢最後一晚工作完畢後，二人終於有機會見面；深知好友第日一早要返台，晚聚地點細佬就提議喺渣甸中心一家有北京烤鴨食o既「老北京」，步行往返酒店不需五分鐘，夠哂方便。「老北京」門面o既金漆招牌、花瓶擺設、木造o既椅櫈屏風都極富中國色彩。窗邊一排以射燈照住o既酒瓶，精美鮮艷，很是吸睛。兩口子六點半前到步，即被好客有禮o既姐姐安排入座最舒適o既卡位。天口咁熱，埋位當然係要先啤一啤佢啦！知悉好友每日主要以小籠包醫肚，XO仔就建議晚餐點選兩味前菜，以「老北京名菜」之一o既「北京烤鴨」作主菜，然後再炒碟四季豆。涼拌翡翠絲（萵芛絲；$88）：冷盤萵芛絲清新爽脆，麻香濃厚，友人話齋，簡單得黎好有家鄉風味。蒽油蘿蔔絲（$78）：蘿蔔絲同萵芛絲一樣切得夠幼，味道亦同樣香濃清爽，！北京烤鴨（$188/半隻）：如相所示，半隻北京烤鴨o既薄片舖滿成隻碟，份量相當足。烤鴨跟配青瓜條、蔥絲、甜醬及薄餅皮一籠。薄餅皮熱辣香軟，烤鴨皮層香脆，肉香無肥，滋味無窮；原來兩個人食