同個朋友傾電話，連佢都話美心啲麵包好輕！
係咩？等我買嚟試吓！如果真係的話，就要通知大家！:)
現時，美心麵包以最普通一款腸仔包為例，都要盛惠 $6.8，仲要係細細個！其他大路款式多數要 $7.5!
價錢已經貴！外表仲好平凡！比其他連鎖麵包舖更遜色！:( 大大失去吸引力！
久不久，有些連鎖麵包舖會推出新口味麵包，攪攪噱頭！
美心呢方面比較少！
蘑菇吞拿魚包 $8
包質鬆軟！氣孔不算大！蘑菇切碎粒，吞拿魚只係薄薄一層！食完真係到喉唔到肺！:(
南瓜雞肉包 $8
個包夠長！但係，要食到一半先見到啲餡！可想而知！餡料實在少得可憐！
真搵笨！清甜嘅南瓜配合雞肉粒，中和乾身嘅雞肉！不過，雞肉頗為嚡口！:(
香芋蛋糕 $4
一件輕怡口味嘅小蛋糕！略帶香芋味道！甜味剛好！些少 cream ，唔會好餾！比麵包好食！
如果，喺美心買兩個麵包+一支飲品的話，起碼廿$有多！反而，去茶餐廳食早餐好過！
結論：美心啲包！貴夾唔飽！:(
