韓日燒 (Closed)

之前聽朋友講呢間韓燒幾抵食，而且經過荃灣就諗住試吓啦。八點半先去到，仍然好多人好熱鬧，雖然遲咗少少去，但係食物嘅選擇都仲有好多。間餐廳最特別嘅地方就係除咗韓燒之外佢仲有刺身同打邊爐。簡直係一次過滿足晒三個願望。刺身方面呢間餐廳都幾有心思，將啲刺身擺成迴轉壽司，估唔到去食放題都仲可以享受迴轉壽司嘅感覺。另外我張枱除咗有看燒嘅路之外仲有個電磁爐咪入嚟打邊爐。所有肉類都非常新鮮，而且湯底醬料選擇都好多，甜品都係！另一個特別之處就係呢間餐廳有好多唔同嘅燒酒飲非常特別