Video
Read full review
2020-08-06
6078 views
星期六日間唔中都會入元朗行吓街,食吓嘢。今晚好想食放題,突然記起住在元朗的同事介紹過校長食燒肉,佢提我必定必定要訂位。一去到現場，真係唔講得笑，只見人山人海， 扶老攜幼，個個都係等入場，搞到我都緊張起來。2小時晚市分四個時段，由五點至十一點半，價錢由$108~$218不等，好抵!今晚我地揀左黃金時段$218一位，準時7:15店員就開閘放我地入場。餐廳環境闊落寬敞，座位舒適，食物區的範圍非常大，食物分類指引亦相當清晰，我和友人已急不及待各自去攞自己喜愛的食物。前菜冷盤類~沙律種類非常豐富，除了有新鮮沙律菜，可配意式，和風沙律汁或千島醬，還有中華沙律，枝豆，三文魚沙律，薯仔紅腰豆等，而冷盤則有長腳蟹和凍蝦。刺身類~有三文魚，帶子，吞拿魚 ，玉子，甜蝦和蟹柳，所有刺身都非常鲜甜，頗有驚喜。壽司類~ 鰻魚，三文魚， 甜蛋，熟蝦，長腳蟹沙律壽司和帶子壽司，質素不錯。食左少少壽司和刺身後，開始出去凍肉區睇下有乜好食，最值得讚賞是凍肉區放置肉類整齊乾淨，用有蓋的容器盛着特別覺得放心，而且標籤清晰明確，值得一讚。凍肉類~凍肉的種類多到嘆為觀止最主要分開燒烤肉和打邊爐肉。 燒烤肉有豬仔骨，雞腎，豬扒，一
一去到現場，真係唔講得笑，只見人山人海， 扶老攜幼，個個都係等入場，搞到我都緊張起來。
2小時晚市分四個時段，由五點至十一點半，價錢由$108~$218不等，好抵!今晚我地揀左黃金時段$218一位，準時7:15店員就開閘放我地入場。
餐廳環境闊落寬敞，座位舒適，食物區的範圍非常大，食物分類指引亦相當清晰，我和友人已急不及待各自去攞自己喜愛的食物。
前菜冷盤類~沙律種類非常豐富，除了有新鮮沙律菜，可配意式，和風沙律汁或千島醬，還有中華沙律，枝豆，三文魚沙律，薯仔紅腰豆等，而冷盤則有長腳蟹和凍蝦。
刺身類~有三文魚，帶子，吞拿魚 ，玉子，甜蝦和蟹柳，所有刺身都非常鲜甜，頗有驚喜。
壽司類~ 鰻魚，三文魚， 甜蛋，熟蝦，長腳蟹沙律壽司和帶子壽司，質素不錯。
食左少少壽司和刺身後，開始出去凍肉區睇下有乜好食，最值得讚賞是凍肉區放置肉類整齊乾淨，用有蓋的容器盛着特別覺得放心，而且標籤清晰明確，值得一讚。
凍肉類~凍肉的種類多到嘆為觀止最主要分開燒烤肉和打邊爐肉。 燒烤肉有豬仔骨，雞腎，豬扒，一口豚，美國特級牛肋條，秋刀魚，魷魚，鴨胸，雞扒， 雞中翼等。
打邊爐肉有豬肉腸，魚片頭， 魚腐，貢丸，脆皮芝士腸，梅肉片，加拿大頂級肥牛等。
和友人商量過後決定主力燒肉，肉類質素很不錯，但真係食唔到咁多，其中有幾款印象特別深刻：
牛肉片肉質軟腍，非常juicy一口牛粒牛味濃郁，落少少海盬已很美味。
雞中翼入味又滑溜，很美味。
豬扒爽滑，不錯。
鴨胸肉質滑嫩，好正。
雞腎片口感爽脆， 好美味。
魷魚厚肉又爽鲜，充滿海水的咸鮮味。
熱葷類~有蒸魚，有菜蔬，魚香茄子， 洋蔥牛扒，湯類等， 各式其式，其中以人參雞湯最得我心，用料豐富， 紅蘿蔔，人參，杞子味非常香濃，好好味呀!
精美點心~香港人真係好鍾意食點心，所以蝦餃，燒賣，叉燒包，糯米雞等點心熱辣辣的不停供應，頗受歡迎。
炸物~有洋蔥圈，麥樂雞 ，炸魚柳，炸餃子等，小朋友們必然喜歡。
飲品類~ 除了有罐裝飲品，包裝飲品， 日本清酒和啤酒外，還有花茶如洛神花，洋甘菊， 金邊玫瑰可以自己調製，另外有不同種類的中國茶葉，很有心思。
甜品類~各式奶凍，果凍，布甸，豆腐花，啫喱，還有不同口味的雪糕，令人眼花繚亂，目不暇給，好吸引， 真係樣樣都想試。
最後食埋巨鋒提子和鮮桔果凍，咖啡味Tiramisu 和提子啫喱，真係非常滿足。
Post
