City of Darkness

出名懷舊港式火鍋店叁不館，一出𨋢已經好有feel🙉霓虹燈裝飾好吸晴，麗花皇宮都有，入到去排檔feel既位加raw啲既裝修，好夾懷舊主題，仲有笑里牛欄同魯美海鮮🤣好有特色同氣氛既餐廳👍🏻主打港式特色火鍋，特別既湯底好似莫生氣椰椰雞湯、菜乾雞腳湯，食材都有心思例如：豬肉釀豆卜、紫菜炸響鈐🤩一坐低就會有店員超好服務咁介紹湯底，講返俾你聽有咩賣晒同有咩海鮮等等，好貼心💗

今晚卜卜蜆鍋，上枱煲滾可以先飲湯，奶白湯底加上芽菜，當然唔少得好多#卜卜蜆，蜆湯超鮮好好味🥹飲到停唔到，蜆肉鮮甜，芽菜原來好配到貝殼鮮味，好正✨勞蘇食推介 —— #手切封門柳，靚到一個點😎封門柳唔係食肥，而係肉質同牛味，依碟真係唔錯，肉質口感正，牛味超濃，配埋自家製葱油真係無得輸😙

今晚卜卜蜆鍋

手切封門柳

封門柳

手打海中蝦滑，有蝦肉係入面，口感彈牙，高質👐🏻#新鮮炸響鈴，明顯即炸既響鈴，上枱已經好香又挺身，超脆，夾蜆湯好正好好味🤤珊瑚蚌，可能因為蜆湯，所以鮮味提升，口感亦幾好🐚韮菜餃好有驚喜，鮮餃子，皮薄而滑，韮菜豬肉，味濃又香👍🏻食材高質

新鮮炸響鈴

珊瑚蚌

手打海中蝦滑

韮菜餃

整體食材又正又有特色就當然，但最值得推介既係成個氣氛🎉懷舊裝修、陳設加埋歌，升級港式味道，而最值得讚嘅係超好既服務，態度好又有推介，又有人情味💌有溫度既一餐🫶🏻