方叔叔重慶老火鍋 (The L. Place)

Open Now

Now Closed

係中環想食麻辣火鍋，一搵就搵到方叔叔重慶老火鍋，位於The L Place，一開𨋢門已經麻香撲鼻，裝修非常精緻同舒服，配暗暗地既燈光，打邊爐都有得浪漫💕服務好親切，有滋潤糖水俾你暖胃，亦有推薦菜式同食法，讚👍🏻👍🏻雙併鴛鴦鍋，麻辣(普通辣)拼養生花膠雞湯，#麻辣鍋 超香麻，#花膠雞湯 金湯樣，花膠都唔少，重本，都幾好味👍🏻麻辣就當然正，一定要配埋葱蒜同特製麻油，麻油解辣，愈食愈滋味😘最正既#嫩牛肉 黎喇，店舖推薦，厚啲既牛肉，淥完仍然好嫩滑，夠腍但有口感，牛味濃得黎麻辣既香麻辣都會吸左係外層，必食💓鮮龍躉片都係另一個推介，食落肉質好彈好鮮，幾好味又有魚味，配花膠湯同麻辣湯會有兩種唔同風味，相當唔錯🤩美國牛板腱，牛脂會多啲，都好味，似肥牛既感覺，配麻辣同麻油都正👍🏻鮮腐竹就係必然麻辣火鍋既蔬菜朋友，腐竹係1分鐘就淋，好正好吸湯好好味😌時令鮮春荀，賣相好特別，幾爽幾得意既😆長城小白豬午餐肉，係有火腿肉係中間既午餐肉，好快腍好味🤗啤一啤之餘仲開左枝Riesling，爽🔅超正既麻辣火鍋，舒服、服務又好，仲有建議淥既時間，好味又爽，仲要唔貴😗無得輸既方叔叔👨🏻