一樂日本料理 (Closed)

平時食放題，通常都會揀啲好出名放題嘅日式餐廳，今次特登揀呢間，最主要係睇中佢有得任食生蠔，因為如果啲生蠔新鮮嘅話，咁二百零三百蚊又真係好抵食喎！平時其他放題好少有得任食生蠔，所以今次嘅目標當然係佢啦！先去拎蠔嘅地方嗰邊睇一睇！啲蠔擺晒出嚟俾人睇，都好大隻呀個樣！有師傅喺度即場開蠔！即叫即開包保新鮮！濛咗啲，因為太興奮，只要將呢個牌放喺師傅前面，就可以返埋位得人拎啲蠔俾你！終於有得食喇！隻隻都好大隻好飽滿！唔係果啲低質素瘦弱生蠔！好開心！幾大隻！食落仲好新鮮，有海水味，而且佢啲肉好厚，咬落去好滿足！其他食物都唔錯，刺身都好新鮮！炸物夠熱又夠脆！雪榚仲有movenpick揀！總括嚟講係好滿意又滿足嘅一餐！