114
我一直以為佢係走平民路線，但估唔到佢仲貴過KFC或者麥記😮，套餐2件炸雞+細薯條+汽水居然要$50!! 😐
2件辣雞餐$50、2件原味雞+地瓜條$61 
(套餐+$4轉地瓜條，+$11地瓜條連汽水轉大SIZE)
問職員先知套餐個薯條原來係麥記嘅細薯條，而加大後SIZE係麥記中薯條，對於平時食麥記2件炸雞加個中薯條只係啱啱好嘅我嚟講，呢度嘅份量真係少。😅
薯條鹹度唔夠，無薯仔香，而且炸得唔夠，色澤同脆度都無，唔好味。
地瓜條好D，夠脆，但無乜蕃薯香。
炸雞等左2個字，新鮮熱辣炸出嚟，炸衣超脆，一D油膩度都無，肉質係食過最嫩最滑最多汁嘅快餐炸雞!!😯
辣味雞只屬微辣，連KFC一半辣都無，中意味蕾刺激嘅朋友會好失望。
每個雞餐都配個好稀嘅汁，味道似係gravy，但我唔識得欣賞，點完都唔覺得炸雞有加分。
整體感覺一般，勝在炸雞新鮮炸出嚟，但其實只要食過另外兩間快餐炸雞都知，佢地新鮮炸出嚟嘅雞其實都好嫩好滑好多汁，再加上價錢唔算平，應該唔會再食第二次。🙉
