福岡漢堡扒 (厚福街) (Closed)

今日同家姐喺尖沙咀行街， dinner就決定去呢間福岡漢堡扒食，可以自己動手煎漢堡扒，好似好好玩咁。地點都幾方便，地鐵站一出行幾分鐘就到。入到餐廳，地方唔算話好大，但坐得都幾舒服 。呢度好環保直接用q r code落單就ok啦，我同家姐兩個人就叫咗一個二人餐。佢有四款二人餐可以揀嘅，我哋揀嗰一款就包一個菠蘿煙肉和牛 漢堡扒，同埋一個芝士蛋蒜漢堡扒，仲有一個芝士泡豚丼， 你可以揀少飯定係走飯嘅，同埋兩杯嘢飲。漢堡扒黎到係砌成一個球體狀嘅， 下面就鋪住芝士蛋， 食法就係你用餐廳提供嘅迷你剷，切小部份肉出嚟 ，放上發熱嘅鐵板上面 ，壓扁佢成為扒嘅形狀，然後每幾秒反一次，好快就熟㗎啦。 食落好重牛味而且可以自己煎到外脆內軟，你可以選擇點鹽或者一個佢提供嘅甜甜地嘅醬汁，食落都好清新 。佢嘅蛋係帶有少少半熟嘅，所以都好好食。 至於個芝士丼真係好震撼，上面鋪滿曬芝士同埋有好多泡菜，豚肉都畀得一啲都唔吝嗇，食漢堡扒食到有啲膩嘅時候就可以食啖飯嚟到中和番，幾開胃。飲品方面， 我就叫咗杯金橘檸檬特飲，嚟到真係超大杯，好解渴。 整體嚟講我覺得幾好，又有得食，又有得玩！