Video
Read full review
2006-02-16
14 views
極度唔掂, 嗜食迴轉多年, 從未如此猶疑過, 忍手過, 未試過可以一坐底, 過左15分鐘都未有一舊壽司入口. 原因? 主要因為佢條迴轉帶. 係無壽司! 即使有, 係每隔十呎有一碟經過, 細看每一碟野, 細細舊啞色魚生撻在大大舊壽司飯. 咁叫人點會唔猶疑同忍手? 相片中既碟, 全部係辛苦order番唻, 無一係從壽司bar上取下. 而且壽司質素有如彈跳豆, 時好時壞, 好時就係上面既魚生又新鮮又長又大舊, 壞到可以食到某幾碟舊鋪面魚生係0度咁凍, 壽司飯係100度咁熱. 同樣, 眼見其他迴轉帶前之客人, 一樣又係無奈地呆望住條空帶. 真係慘情. 入得唻, 坐迴轉, 期望係點樣? 期望就係見住一碟碟靚壽司, 顏色鮮艷, 款式豐富, 一碟碟密密排住係你眼前運轉, 一手左, 未咬完吞落肚, 另一手已經不由自主地第二碟, 唔係靠叫人order, 事實上當晚只能靠order, 失晒迴轉意義, 或者自己太一廂情願以為呢度d迴轉係同出面一樣. 呢間係假迴轉, 條空帶只係風水之物, 裝飾之用. 好懷疑點同對面既真正元氣迴轉壽司爭. 服務方面, 對侍應d裝束有一種新睇法, 覺得佢地形象好低落, 因為白色
同樣, 眼見其他迴轉帶前之客人, 一樣又係無奈地呆望住條空帶. 真係慘情. 入得唻, 坐迴轉, 期望係點樣? 期望就係見住一碟碟靚壽司, 顏色鮮艷, 款式豐富, 一碟碟密密排住係你眼前運轉, 一手左, 未咬完吞落肚, 另一手已經不由自主地第二碟, 唔係靠叫人order, 事實上當晚只能靠order, 失晒迴轉意義, 或者自己太一廂情願以為呢度d迴轉係同出面一樣. 呢間係假迴轉, 條空帶只係風水之物, 裝飾之用. 好懷疑點同對面既真正元氣迴轉壽司爭.
服務方面, 對侍應d裝束有一種新睇法, 覺得佢地形象好低落, 因為白色工人服, ok, 做我地工人唔緊要, 至弊係佢地件野白得好薄, 而且睇落去好污糟邋褟, 仲以為係精裝追女仔年代d 車房工人serve緊我地. 某位斟茶女侍應補茶速度夠晒快, 但其實都知道佢地大多分店條帶都係無自助斟茶. 而其中一個男'工人'恰眼訓, 同我地落錯單, 明要海膽墨魚壽司20蚊碟, 夠膽死同我地寫兩碟共60蚊既海膽壽司, 等左好耐已一肚氣, 仲要錯, 當然唔要, 退回迴轉bar入面, d 口罩甩左一半既所謂壽司師父竟然怒目而視我地. 咁樣態度, 必比喊樣. 錯在我地嘛?
仲有係當晚迴轉bar入面有四位師傅狂做, 可惜速度龜咁慢, 手握要時間, 但每round壽司至少等10分鐘以上, 又漏單, 聽住隔籬位係咁狂追, 而且至嬲一樣野係, 見住order出紙機狂吐單, 但佢地唔係順序由早單排到遲單, 而係隨意咁排, 本來係第一round叫既吞拿魚, 到第三round至到, 相隔為時一個鐘, 於是乎, 又食又等, 全餐食左破紀錄時間105分鐘. 埋好單, 先至來一碟好想試既韓式軍艦壽司, 梗係唔要啦, 離譜.
裝修方面, 燈光不平均, 坐左一陣已有眼訓感覺, 其實全店幾暗下, 呢個唔緊要, 但迴轉帶上面無光管照, 試問'目黑'之下, 壽司無光, 照唔到壽司表現出唻應有既新鮮光澤, 顏色鮮艷, 款式豐富, 咁會叫我有意欲一手又一手從迴轉帶上取下一碟碟壽司嘛? 目黑環境, 一個唔覺意左碟陳年壽司食落肚, 可真難以想象. 呢個品牌名字, 希望現實中東京都目黑區入面d壽司店唔會係咁.
因為令我地咁忍手, 大大幫左我地個荷包, 埋單三位200鬆d. 仲有budget去第度食甜品, 真正填番飽個肚. 呢間表現比起屯門分店差好遠. 近排仲話係慈雲山開分店, 開得唻都唔夠執. 顧住開新店, 不如顧下d質素.
Post
