巴巴串 (Closed)

觀塘出名多嘢食，今日就想試一試食串燒🍢，之後搵到一間自助串燒放題餐廳，即管試試。餐廳算係大間，有好多卡位坐得比較舒服。叫咗最高級嘅放題，有極黑和牛任食、羊架、蟹腳等等任食，食種類都算多，而且出邊有自助串燒區域，炸物區 、熟食區 、甜品區🍧🧁，飲品區等等，真係乜都食到😍😍😍😍每一台都有一個爐，有自轉燒亦都有邊可以放網，而且佢個爐熱力好夠，而且熱力非常之平均，串燒又識自動轉，完全唔驚會燒燶✨印象最深刻係伊比利亞黑毛豬，美國SRF極黑和牛同埋日本松葉凍蟹腳。首先黑毛豬油脂非常之豐富，而且好有豬🐖嘅味道，食兩大塊都唔會覺得油膩。牛肉就燒得稍有功夫，最鍾意佢七成熟，肉味濃郁又唔會太韌，蟹腳燒完嘅味道更加鮮甜一定要食多幾隻🦀出邊嘅串燒種類都非常之多，最開心嘅係竟然有埋棉花糖，足足食咗六粒。另外亦都有一啲雞翼串、牛肉串🥩、翠玉瓜、多春魚等等，用自助串燒機真係好方便，完全唔使點理就有返食😚食完啲肉類梗係要食甜品啦，估唔到佢仲有啲一口嘅甜品同雪糕，清一清返個口啱啱好🍦🍦巴巴串 (觀塘)觀塘開源道62號駱駝漆大廈第一座5樓C室