竹島水產 西日放題 (Closed)

今日同朋友re-u，大家都住上水，唔想出到旺角咁遠，竟然比我地搵到一間位於新成路嘅西日放題，叫做竹島水產。我地book左七點半，所有人都係預先訂座。餐廳面積頗大，有兩個廳，空間感寬闊，光線好充足。放題紙有七張，甜品每枱只可以落單一次，令我最記得就係佢竟然有哈根大師。包括有燒物、壽司、刺身、火鍋配料等等，應有盡有，任點任食。甜品同飲品又任飲任食，食足2小時，超正！刺身方面，赤蝦豐厚的肉身極富彈性，味道鮮味甘甜。而啲魚刺身，對於我呢啲平時不太敢吃刺身魚食嘅人也會被呢股口感與味道征服。細膩柔軟的肉質，清淡軟嫩富有彈性。燒物方面，本人特別推介鹽燒海蝦。海蝦好大隻，味道亦都好野味。仲有一定要試我最愛嘅芝士年糕，我地encore左3次，真係超級煙韌，又多cheese! 另外，超級推介蒜香一口牛，肉質鮮嫩，唔會好韌同好乾，又多汁。大家如果去開上水一定要試吓呢間西日放題，員工嘅招呼都非常有禮貌同埋好客，上菜速度都好快，份量又夠多，下次一定會再帶朋友一齊食。