Video
Read full review
2018-02-08
4782 views
呢排天氣凍冰冰除咗打邊爐之外呢 第一時間即刻諗起食韓燒啦 見到呢間任食韓燒一次過可以滿足晒我鐘意食肉既朋友同埋我呢個勁鐘意食海鮮既人嘅願望 所以嗱嗱聲係OpenRice 訂埋位啦我哋上到去坐左係門口等咗5分鐘之後就有位啦我哋差唔多九點去 但係裏面只係得兩台冇人ja 我哋好好彩坐到個望街景既位 而我坐嘅位後面就係雪櫃啦 真係好多嘢飲可以揀 有平時少見既韓燒飲品 而且仲係自助添 好方便 最鍾意飲就係呢個蜜糖梨汁 你地飲之前記得要倒轉下佢先呀 因為佢真係有啲梨肉係底架我哋叫既牛 有牛肋骨啦烤牛脷啦同牛柳粒嘅 至於豬我哋叫咗豬大腸豬腩肉五花腩同埋豬耳 個五花腩好肥美又夠厚切喎 正呀 仲有豬耳出邊唔喺度度有得㗎而且呢度仲要任食喎 梗係食啦(其實之後叫咗好多碟）啲海鮮好新鮮 尤其係覺得個扇貝好正 細細舊咁食多幾舊都唔會肥（我自己一個人食左8隻呀 😂）而個蝦都好新鮮同埋彈牙呢間主打係韓國野 又點少得韓國好出名嘅水冷麵呢 估唔到佢嘅水冷麵又幾好味喎 佢嘅麵質真係好彈而且軟硬度適中 雖然佢係冇乜嘢特別嘅配菜 但係食食下燒肉既時候再食返下呢個淡淡既水冷麵 絕對係可以中和返肥膩嘅感覺 而且呢個水冷麵嘅份量係
見到呢間任食韓燒一次過可以滿足晒我鐘意食肉既朋友同埋我呢個勁鐘意食海鮮既人嘅願望 所以嗱嗱聲係OpenRice 訂埋位啦
我哋上到去坐左係門口等咗5分鐘之後就有位啦
我哋差唔多九點去 但係裏面只係得兩台冇人ja 我哋好好彩坐到個望街景既位
而我坐嘅位後面就係雪櫃啦 真係好多嘢飲可以揀 有平時少見既韓燒飲品 而且仲係自助添 好方便
最鍾意飲就係呢個蜜糖梨汁 你地飲之前記得要倒轉下佢先呀 因為佢真係有啲梨肉係底架
我哋叫既牛 有牛肋骨啦烤牛脷啦同牛柳粒嘅 至於豬我哋叫咗豬大腸豬腩肉五花腩同埋豬耳 個五花腩好肥美又夠厚切喎 正呀 仲有豬耳出邊唔喺度度有得㗎而且呢度仲要任食喎 梗係食啦(其實之後叫咗好多碟）
啲海鮮好新鮮 尤其係覺得個扇貝好正 細細舊咁食多幾舊都唔會肥（我自己一個人食左8隻呀 😂）而個蝦都好新鮮同埋彈牙
呢間主打係韓國野 又點少得韓國好出名嘅水冷麵呢 估唔到佢嘅水冷麵又幾好味喎 佢嘅麵質真係好彈而且軟硬度適中 雖然佢係冇乜嘢特別嘅配菜 但係食食下燒肉既時候再食返下呢個淡淡既水冷麵 絕對係可以中和返肥膩嘅感覺 而且呢個水冷麵嘅份量係好少 最啱大家一人一碗唔駛爭
而另外佢既炸雞都係大家一定一定要試嘅 佢炸得個皮好薄好香脆 但係d肉仲保持鮮嫰 呢個又係叫左好多次😍
佢嘅甜品係韓式既雪條 食完熱辣辣既燒肉之後再食返條雪條 爽呀 我揀左蜜瓜味 其實佢仲可以揀芒果或者椰子味雪條 再唔係就可以食西米露都得
另外通常食完韓燒都會好大味 所以其實d櫈打開個蓋係可以放自己嘅衫或者袋入去嘅 而且呢間舖頭真係好細心 佢係門口放左兩支除味噴霧 噴完就冇晒味 咁樣就唔怕走嘅時候俾人歧視有味啦
Post
