一入到去撈海鮮個位，真係震撼到講唔出聲😳！蜆、蝦、蟹、鮑魚成堆堆～仲可以自己撈海鮮，好似出咗西貢食海鮮咁😂 揀好交俾店員清洗，5分鐘就可以返嚟攞，夠晒方便～
海鮮每樣都超新鮮🦐🦀 跟住舖頭建議嘅時間去煮，煮完個湯即刻變得好甜，成個火鍋層次升晒級～仲有我最鍾意嘅白鱔同埋蠔，真係食不停口🤤
除咗海鮮，仲有M5和牛😍 食肉獸一定開心到飛起！自助區嘅選擇又多又靚，有玫瑰花形龍蝦丸🦞、蝦腸、冰菜（唔係間間打邊爐嘅食店都會有）炸魚皮、炸午餐肉等等～樣樣都想拎！
外邊仲有熱食區🔥，有點心、小龍蝦、焗榴槤記～掃code仲有乳鴿、鰻魚、烤羊架、糍粑！飲品區都有驚喜，紅白酒、啤酒、果汁、熱茶、珍珠奶茶同冷泡茶任你揀🍷🧋
最後甜品區都唔可以錯過🍰～有Haagen-Dazs雪糕、雪條、布甸、木糠布甸、乳酪、生果🍓🍍，仲有部雪糕機🍦 小朋友玩到超開心❤️ 食到最後一啖都好滿足🫶
呢度真係實在太多嘢食，我覺得起碼要再encore多兩三次先至真係完全可以試晒咁多好味嘅嘢 😋
