Video
Read full review
2023-05-17
676 views
我同老公真係好鍾意打邊爐，有次經過見到呢間門面閃令令嘅鵝頸橋四季火鍋，今日就約定嚟呢度試吓佢咩料。呢度前菜都充滿懷舊味道，係水煮花生同涼拌青豆，水煮花生有一貫水準，涼拌青豆味道都充滿驚喜，原來混入麻油加黑椒就已經咁好味。食緊前菜期間，店員就送上調味車，款式都相當豐富。二人套餐嘅鴛鴦鍋唔使加錢，三款湯底之中，我哋揀咗香濃沙嗲湯底配芫荽皮蛋湯底。沙嗲湯底果然香濃，基本上係唔使額外點豉油都已經好夠味，而芫荽皮蛋湯底就主要配海鮮同蔬菜，味道一樣咁夾。我哋不嬲好懶諗嘢，所以就決定揀 二人套餐。大部份嘅食材就堆砌咗係一個大碟上，包括有各款生猛海鮮、豚肉、丸類，而下面就有大量唔同蔬菜墊底，所以真係食到好飽。打邊爐又點可以冇牛肉，套餐已經包括汕頭手切肥牛、A級安格斯牛小排、同充滿驚喜嘅本地手切牛胸油。我第一次食牛胸爽，原來只需灼幾秒就食得，真係好爽口。豚肉片嘅油花都好靚，都有入口即溶嘅感覺，絕對係上等菜式。呢度嘅海鮮真係勁新鮮，鮑魚仍然微微郁動，真係令人食指大動。海蝦同樣地仍然手舞足蹈，感覺真係有啲殘忍。即炸響鈴需要啲時間等待，因為佢真係即炸熱辣辣，就咁食或者點湯都咁出色。烏冬都有兩大塊，結果我哋真係
呢度前菜都充滿懷舊味道，係水煮花生同涼拌青豆，水煮花生有一貫水準，涼拌青豆味道都充滿驚喜，原來混入麻油加黑椒就已經咁好味。
食緊前菜期間，店員就送上調味車，款式都相當豐富。
二人套餐嘅鴛鴦鍋唔使加錢，三款湯底之中，我哋揀咗香濃沙嗲湯底配芫荽皮蛋湯底。沙嗲湯底果然香濃，基本上係唔使額外點豉油都已經好夠味，而芫荽皮蛋湯底就主要配海鮮同蔬菜，味道一樣咁夾。
我哋不嬲好懶諗嘢，所以就決定揀 二人套餐。大部份嘅食材就堆砌咗係一個大碟上，包括有各款生猛海鮮、豚肉、丸類，而下面就有大量唔同蔬菜墊底，所以真係食到好飽。
打邊爐又點可以冇牛肉，套餐已經包括汕頭手切肥牛、A級安格斯牛小排、同充滿驚喜嘅本地手切牛胸油。我第一次食牛胸爽，原來只需灼幾秒就食得，真係好爽口。
豚肉片嘅油花都好靚，都有入口即溶嘅感覺，絕對係上等菜式。
呢度嘅海鮮真係勁新鮮，鮑魚仍然微微郁動，真係令人食指大動。
海蝦同樣地仍然手舞足蹈，感覺真係有啲殘忍。
即炸響鈴需要啲時間等待，因為佢真係即炸熱辣辣，就咁食或者點湯都咁出色。
烏冬都有兩大塊，結果我哋真係食唔晒。
套餐仲包一渣自家製飲品，我哋就揀咗唔太甜嘅竹蔗茅根水，打邊爐飲就啱晒啦。
呢間火鍋店食物質素高，服務又好，下次要叫多個人嚟先可以清得晒個二人套餐。
Post
