火五越式牛肉粉專門店 (華生樓) (Closed)

下午茶想坐底傾下計食d野，朋友見到用Openrice Book有75折，就黎到Pho 5。手作挪威煙三文魚米子卷($48)入面有紅白蘿蔔絲、生菜、檬粉同煙三文魚，煙三文魚味道好突出，加上其他配料，食落好清新。而提供嘅酸汁帶淡淡酸味，點埋食更開胃！火五特式鳳爪($22)鳳爪非常爽脆，酸酸辣辣好滋味，一份有6隻，大件又抵食。D24榴蓮炸彈($48)薄薄外層十分香脆，入面係粘粘嘅糯米粉包住榴蓮餡，餡料熱辣辣，香濃流心，又唔會大甜，好想再食多d呀！