富田和食亭 (Closed)

每當阿媽唔煮飯，我就會心思思想去樓下啟田商場既「富田和食亭」開餐，因為實在好抵食，我今晚周日黎到，每位$188 (另加一)，同去酒樓食餐飯差不多，但唔好忘記喎，呢度係任食，係任食呀！而且比起尖沙咀既日式放題餐廳，富田既選擇有過之而無不及。 周日晚黎到，座無虛設，唔訂位唔駛旨意有得食。 一坐低，侍應即刻遞上一套full set既菜單紙，夠細心。由串燒到火鍋共13張紙任點任食，飲品同甜品自己出去攞。 估唔到既係，飲品竟然有酒類，包括清酒同梅酒 (另有啤酒)，感覺特別抵。 先攻刺身。呢度有唔少選擇，而且因為人客多，流量大，所以食材都新鮮。我好鍾意食馬刀貝，但唔係度度有，見到梗係立即喪叫！馬刀貝好爽口，咬落索索聲，正！生蝦有甜蝦同虎蝦兩種選擇，前者肉質夠甜，後者勝在爽口，兩款蝦都新鮮味美！ 壽司之中，特別推薦火炙和牛壽司，薄薄既一塊牛肉，面層被燒得焦香，底層仍然保持生生地，面頭加左少少煮過既蒜蓉，勁香口，如果唔係要留肚食其他野，我會encore再encore呢個。 其他仲點左串燒、天婦羅同泰式小食，全部都水準中上，鍾意食乜，悉隨尊便。 反而想講下甜品，出面好多日式放題只