金裝燉奶佬餐廳 (大圍道) (Closed)

深夜去到大圍火車站附近想食宵夜，見近近地又就腳就去左火車站對出馬路果間金裝燉奶佬到開餐喇。係餐牌見到餐廳有優惠套餐，所以我梗係要幫襯下啦，真係幾抵食，幾個優惠套餐都唔洗 50 蚊，而且餐廳重要唔收加一服務費，真係好有良心。最後點了台式肉燥雞扒套餐，套餐跟兩款配菜 : 木耳同泡菜，餐湯可選中定西，肉燥飯份量好大碗，如果係女仔真係分分鐘會食唔哂，雞扒整得都幾好，最後仲可以以優惠價 4 蚊加多碗糖水添，雖然糖水就唔係話特別出色，但係以 4 蚊來講就真係無咩可以要求。