Video
Read full review
2024-05-17
21 views
有同事放咗一個星期大假，真係忙到痴線，今個星期終於得閒啲，可以準時收工，咁啱又有個舊同事約打邊爐，都好呀，出嚟吹下水訴下苦先😂舊同事係海鮮愛好者，佢介紹咗阿爺八鮮鍋，佢話呢間啲海鮮係任食，仲要係活海鮮唔係冰鮮貨，超正咁話喎🤤正餐時段$398一位，加人頭$20就有埋任飲，可以食足兩個半鐘頭🤤一坐低，店員就介紹佢哋嘅調味盤，跟住揀雞煲嘅口味，仲有湯底。店員話佢哋嘅湯底係每日新鮮淆製，口味日日不同，所以唔會印係餐牌上面，我哋就揀咗個豬骨湯底。另外仲會有個爐熱住一壺燉湯，是晚係姬松茸川貝鱷魚湯，湯頭濃郁鮮味，真係好好飲🤤喺社交平台like and share嘅話，會送一盤刺身盤，都幾抵呀😋再來就係雞煲，我哋揀咗泰式酸辣口味，雖然叫酸辣，但其實完全唔辣，酸酸甜甜食落個感覺有啲似西檸雞😆食完雞煲就打邊爐，我哋揀咗呢個石橄欖豬骨湯底，入面有好多石橄欖㗎，雖然係豬骨湯但唔油膩，清清地幾鮮甜，之後就上埋個霸王海鮮盤同靚料安格斯牛肉，個海鮮盤包括龍蝦、奄仔蟹、大虎蝦、大元貝、鮑魚同埋鮮蠔，睇見都想食🤤灼完一大堆海鮮，個湯底仲鮮甜左，啲牛肉灼完出嚟都係甜㗎😍落單任食嘅海鮮都唔輸蝕，一樣係大大隻好新鮮😍，除咗
舊同事係海鮮愛好者，佢介紹咗阿爺八鮮鍋，佢話呢間啲海鮮係任食，仲要係活海鮮唔係冰鮮貨，超正咁話喎🤤正餐時段$398一位，加人頭$20就有埋任飲，可以食足兩個半鐘頭🤤
一坐低，店員就介紹佢哋嘅調味盤，跟住揀雞煲嘅口味，仲有湯底。店員話佢哋嘅湯底係每日新鮮淆製，口味日日不同，所以唔會印係餐牌上面，我哋就揀咗個豬骨湯底。另外仲會有個爐熱住一壺燉湯，是晚係姬松茸川貝鱷魚湯，湯頭濃郁鮮味，真係好好飲🤤
喺社交平台like and share嘅話，會送一盤刺身盤，都幾抵呀😋
再來就係雞煲，我哋揀咗泰式酸辣口味，雖然叫酸辣，但其實完全唔辣，酸酸甜甜食落個感覺有啲似西檸雞😆
食完雞煲就打邊爐，我哋揀咗呢個石橄欖豬骨湯底，入面有好多石橄欖㗎，雖然係豬骨湯但唔油膩，清清地幾鮮甜，之後就上埋個霸王海鮮盤同靚料安格斯牛肉，個海鮮盤包括龍蝦、奄仔蟹、大虎蝦、大元貝、鮑魚同埋鮮蠔，睇見都想食🤤
灼完一大堆海鮮，個湯底仲鮮甜左，啲牛肉灼完出嚟都係甜㗎😍
落單任食嘅海鮮都唔輸蝕，一樣係大大隻好新鮮😍，除咗海鮮，都仲有牛、豬、雞、餃子、蔬菜等其他火鍋料，選擇什多。
食到一半，店員送上一盤扭蛋，佢話係抽獎環節，哈哈，抽到一孖臘腸，是晚大獎係澳洲龍蝦一隻，可惜了抽唔中🥺
最後就係食埋甜品，自家製乳酪配上新鮮水果，甜甜酸酸幾好味呀😋
埋單加埋一人均消費$460，呢度收現金、master、visa、支付寶等👍
Post
