水牛城醬: 呢間餐廳煮嘅水牛城醬同傳統嘅一樣，落咗白醋，酸酸辣辣，好開胃！
紐奧良香粉: 新鮮炸起嘅雞翼灑上異式風情十足既紐奧良香料，加上幾滴新鮮青檸汁，香氣十足！
加州風情: 呢款雞翼配咗大蒜粒同番茜，再刨上一層新鮮巴馬臣芝士，雞翼嘅熱力令芝士呈現半溶狀態，鐘意食芝士嘅朋友必試！
死神醬: 注意⚠️呢款雞翼係堅辣，辣味嘅後勁非常之強！唔食得辣嘅朋友仔呢款就未必啱你啦。
咖啡燒烤醬: 呢款雞翼一送到枱我哋就聞到咖啡香氣，但食落去完全冇咖啡嘅苦澀味。融合埋微甜嘅燒烤醬，非常有特色！
中式海鮮醬: 呢款雞翼有少少似片皮鴨嘅味道，雞翼表面灑上芝麻，香香甜甜！
黑椒檸檬: 呢款雞翼加咗檸檬鹽調味，再加上現磨黑椒，雖然調味看似簡單，但味道都唔錯！
蒙古燒烤: 呢款雞翼係用自家製嘅孜然粉調味，仲有四川花椒辣味，又香又辣！
田園風味: 呢款雞翼用咗酸忌廉粉調味，味道酸甜清新，仲keep到外皮香脆！愛sour cream嘅朋友要食！
泰式甜酸醬: 最後呢款泰式甜酸醬雞翼，包住甜酸醬汁，上面有炸蒜粒，香口又過癮！
