洋食商店 (利奧坊)

Open Now

Now Closed

今日嚟到利奧坊嘅洋食商店，點咗個壽喜燒套餐。澳洲M9和牛西冷同美國頂級牛頸脊質素高，店員用心代勞，真心欣賞呢個服務。牛肉片輕輕一灼，沾埋隻日本靚蛋，食落去非常滑嫩。將灼牛及蔬菜後嘅精華，煮埋個黑松露燉飯，好味到爆。和牛漢堡使用新鮮牛肉手打而成，肉餅保持肉汁，咬落去多汁又香口。明太子玉子燒超好味，面層嘅明太子醬滑得來帶點咸香味。招牌雞翼甜甜地，帶點孜然粉，惹味得來多咗層次感。薄荷話梅青檸梳打幾refreshing，草莓乳酪烏龍就特別，手打草莓蓉新鮮，配埋烏龍茶，味道搭得幾好。餐廳嘅日式居酒屋裝潢幾舒服，座位坐得好，店員態度友善，特別係喺面前代灼，感覺幾有儀式感。