鳴虎 (Moved) New Location

成日見到呢間拉麵舖，睇過Menu又覺得幾抵食就試試佢，發現都唔錯。🍜赤虎 $98🍜黑鳴虎 $88赤虎姐係辛辣拉麵，黑鳴虎係黑蒜油拉麵。兩款拉麵湯底都嗌咗濃味✨湯底杰身少少，飲落去會漿住個嘴。辛辣口味第一啖入口都幾辣，但食落又唔會太辣食唔到。黑蒜油就聞都已經勁香！拉麵配料好足料，兩大塊叉燒肥瘦適中。有大量蔥同黑木耳增加香味同口感！溏心蛋又入味，一碗唔同$100嘅拉麵有咁嘅質素，食得過！🥢肉餃子🥢芝士魚條除咗食拉麵仲嗌咗小食～餃子煎得香脆又有肉汁。魚條入面勁多芝士，煙煙韌韌好好食！