經常去太原街看玩具，路過這味皇見佢只是一般茶記，無興趣光顧
，早排疫症嚴峻，各食肆推出外賣優惠，上個月經過見佢大大隻字寫共渡時艱，外賣飯盒一律$40
窮鬼的我即刻企定定望吓門口餐牌，咦！有我最喜歡的豬軟骨飯喎！
仲包飲品！
即刻光顧！拿回公司吃，嗯！味道唔錯，其實微辣的豬軟骨唔算好入味，但正因為軟骨沒有經過長時間炆煮，保留了應有的嚼勁，讓我𡁻得爽透
如果鍾意食淋到好似牛筋的朋友就未必啱口味啦！另外煎蛋非常香口，
今日坐下來吃要比原價$48，但係我都覺值得，由於咖啡一般般，這次改喝奶茶，嗯！好好多喎！鍾意重茶味的朋友記得要少奶呀！此店還有很多美食，例如款式多多的雲吞......一個人食唔到咁多嘢......
