自家燒吧 (Closed)

出面食串燒都要成十幾$20一串，呢間串燒題先二百幾蚊一位任食，所以約埋班friend嚟試吓串燒種類大概30款啦，豬牛雞羊，丸，菇，粟米，棉花糖.....仲有啲冷盤，前菜，小食，蛋糕，啫喱，水果都係仼食。仲有啲熟食！拎好放上去就自動燒㗎啦，唔係明火，所以呢坐喺度都唔會好熱好煙，自己燒又幾過癮。大概燒幾分鐘啲食物就會熟。仲配有燒汁茄汁同埋泰式辣醬。除咗出面自己拎嗰啲，仲有得寫紙仔點嘢食嘅。呢幾款特別好味日式雞炒烏冬，黑松露薯條，腐乳通菜。兩個鐘咩都夠食啦！仲有雪糕食！夏天就唔使咁辛苦露天BBQ，想食燒野下次會要嚟！