和味館 (Closed)

之前朋友有團購飛就去食，但真係差到當比錢學野。首先埋位坐啲位勁逼，跟住叫野食，個日都餓咗成晚所以好狠咁叫刺身呀一啲炸物。佢除咗刺身嚟咗之外就全部漏單，寫咗起碼六張係漏哂嘅。刺身中下，未溶雪，一咬落件八爪魚度係冰嘅食完個刺身我地張檯係可以無野食，食放題可以食到檯面無野食真係第一次。漏單漏到炆，之後同一個應該係經理(?)嘅人講漏單，先即刻跟返哂所有野出嚟，但已經無哂瘾。最後尾朋友叫個蟹，團購頁面會見到個隻，炸到啲肉乾哂根本食唔落。食物又唔係整得好仲要狂漏單我真係無心機同你食落去。開團購係為咗有更多生意，但做唔切做唔嚟反而流失生意無下次，咁做嚟做乜？可能開團購前係唔錯，但我真係勁失望。