冷鍋酸菜魚（$218）
一上到菜大家都好興奮呀, 首先因為佢個鍋係勁大勁深, 份量極多, 而且傳黎好香花椒既味道, 魚肉厚切得黎有口感 , 仲要完全沒骨, 大大啖肉好滿足, 而且佢個底仲有大量既配菜, 例如芽菜, 萵荀, 金針菇, 粗薯粉等等, 全部都好入味, 特別要讚一讚佢個薯粉, 索哂汁勁好味.
夫妻肺片（$68）
入邊係有三款, 包括牛展, 牛脷,同金錢肚, 雖然我地今次叫左小辣,不過都不容忽視, 麻辣得黎又好惹味, 極推薦大家叫黎試下.
炸三鮮餃（$36）
炸餃炸得好香脆, 而且都有濃濃既肉汁, 分享一個小食法俾大家, 如果浸落d 湯食, 都好有風味呀!!
黑糖糍粑 （ $38細）
呢款都係必食既推介, 黃豆粉再加黑糖漿, 配上即拉既炸糍粑, 口感極佳, 同埋好多唔同既層次, 雖然叫左細碟,不過都有五大舊, 軟糯得黎好彈牙QQ, 作為甜品好滿足呀!
飲品:
蜂蜜柚子蜜 / 蜂蜜生薑茶($19@1)
食完辣野飲番一啖蜂蜜解辣, 都好滿足呀, 而且佢既生薑茶好夠薑, 冬天飲到個人暖笠笠, 正呀!
另外值得一讚係佢地既服務態後都非常好, 換碟叫野都好快手. 值得一讚!
