Video
Read full review
2012-08-14
7 views
食物 = 劣服務 = 劣閒日中午，同三個同事諗住去Hysan八卦吓有咩食，去到14樓，有間中菜館裝修幽雅，景觀不錯，價錢睇落幾划算，就入去試試，點知領野鳥。。。點了4個set lunch，每個set都有1主菜, 1小食,1酸辣湯，加$10有豆漿，我哋就加4個豆漿。環顧總共大約有10-12枱客有人坐，每枱2-4人。一）12點正坐低，12:10都未有人斟茶，甚至連同侍應嘅眼神接觸都冇二）食物等好耐都未嚟，唔止我哋，係枱枱都耐。啲客係度你眼望我眼，唔耐煩到同隔離枱啲客講嘢，（哇，咁耐，搞錯呀，係囉，趕住翻公司，之類）。唯有飲住豆漿先，都ok好飲。三）終於開始有嘢食出，但極慢，有枱得一個人有得食，個friend冇，有枱阿爸阿媽同個仔都冇得食，我哋約12:40分嚟咗1個餐，嗰碗麵都還可以。四）跟住啲客越來越唔耐煩，幾枱客不斷催，有一枱嬲爆爆起身走了，跟手嗰枱阿爸阿媽同個仔走埋。個紅色衫類似經理開始每份餐嘅酸辣湯先上，叫做安撫吓。五）其間，右邊枱2位幸運兒食完埋單，亦因為咁我哋都專注咗喺佢哋度，聽到個侍應問啲嘢嚟齊未，個客好嬲咁話，"嚟就嚟齊喇，不過好難食！"六）我哋覺得可能個客係激動派啫。。。
服務 = 劣
閒日中午，同三個同事諗住去Hysan八卦吓有咩食，去到14樓，有間中菜館裝修幽雅，景觀不錯，價錢睇落幾划算，就入去試試，點知領野鳥。。。
點了4個set lunch，每個set都有1主菜, 1小食,1酸辣湯，加$10有豆漿，我哋就加4個豆漿。環顧總共大約有10-12枱客有人坐，每枱2-4人。
一）12點正坐低，12:10都未有人斟茶，甚至連同侍應嘅眼神接觸都冇
二）食物等好耐都未嚟，唔止我哋，係枱枱都耐。啲客係度你眼望我眼，唔耐煩到同隔離枱啲客講嘢，（哇，咁耐，搞錯呀，係囉，趕住翻公司，之類）。唯有飲住豆漿先，都ok好飲。
三）終於開始有嘢食出，但極慢，有枱得一個人有得食，個friend冇，有枱阿爸阿媽同個仔都冇得食，我哋約12:40分嚟咗1個餐，嗰碗麵都還可以。
四）跟住啲客越來越唔耐煩，幾枱客不斷催，有一枱嬲爆爆起身走了，跟手嗰枱阿爸阿媽同個仔走埋。個紅色衫類似經理開始每份餐嘅酸辣湯先上，叫做安撫吓。
五）其間，右邊枱2位幸運兒食完埋單，亦因為咁我哋都專注咗喺佢哋度，聽到個侍應問啲嘢嚟齊未，個客好嬲咁話，"嚟就嚟齊喇，不過好難食！"
六）我哋覺得可能個客係激動派啫。。。 但一飲啖個湯，嘩，個酸辣湯鹹到冇朋友，好似師傅唔記得落咗鹽落多咗次咁。我好唔明，我哋哩啲都已經唔係咩要求高嘅食客，平時都唔多識分咩咩味道層次，都覺得個湯非常唔掂，點解可以過到入面個大廚嗰關？？
七）第二份餐12:55分上，係一個唔記得什麼炒飯。個飯唔熱，直頭連暖都講唔上。但我哋已4條友1人畢咗1碗仔先發覺。話畀侍應知啲飯唔熱，佢話，唔熱？得，同你熱番佢！一手收走咗兜飯，但兜飯得番1/4都唔夠，大部份喺我哋啲碗仔到。咁我諗或者佢炒過一兜卦。。。哈！佢真係同我哋叮熱咗嗰1/4兜飯攞番出嚟！真無奈！
八）其間又有兩三枱客話走，我哋等到13:05決定放棄，唔要未嚟嘅嘢叫埋單，個紅衫經理話佢去睇吓點計條數喎。好，又等等等了唔知幾耐。張單來了，佢竟然收了：2份餐錢，4x豆漿，4x茶芥，最勁嘅係"加一服務費"!!! 埋單$250幾！
九）其間又有好幾枱走，哩幾枱有啲食咗部份食物，飲咗豆漿，唔叫埋單就起身走。
十）話我哋on居又好，點都好，都唔中意唔畀錢走人，亦唔想爭議，照畀了，但畀嗰陣真係忍唔住同接我錢個侍應講："你哋有冇搞錯，咁樣嘅食物同服務，你哋仲夠膽收人飲品，茶芥同加一！錢我哋照單畀足！離譜"
從未寫過食評，因覺自己文彩好極有限，食嘢要求又唔係高，但呢單嘢真係覺得要話畀大家知，唔好重蹈我哋嘅覆轍…
Post