潮洲滷 (Closed)

同屋企人出港島一日遊之後，回程時特登去灣仔街市附近斬左大大盒滷水拼盤返黎加餸，好耐冇食過咁入味高質既滷水野喇。平時食雞都係食雞脾雞翼多，12蚊可以買到滷水雞脾完全係抵到爛，食落好新鮮入味，可以encore。 滷水豬耳 ($20) 夠哂彈牙，我最鐘意可以揀大細、價錢不一，有時唔想食咁多肥膩野都可以自己就住買。 滷水鵝腎 ($40)第一次食，滷到個芯都好入味，鵝腎原來都好煙韌又香。 滷水鵝掌 ($23) 食一隻就好有份量好滿足，即使冇再翻煮都唔會乾，好惹味。