陶園燒臘飯店 (Closed)

話說今日咁岩要去佐敦拎野，就順便整啲燒味斬料加餸。我比店鋪門前個隻大型燒鵝模型吸引左，就走入去買。呢間店除左外賣，仲有堂食，可惜我趕住返屋企，如果唔係我都會留係度食埋個餐先走，哈哈。今次加料買左啲燒腩仔同埋燒鵝下莊，返到屋企打開黎睇係份量多，對得住個價錢，性價比唔錯。先講講燒腩仔，外皮夠香脆，肥瘦適中，配埋芥末醬，確係絕配，味道唔錯。而燒鵝下莊都係皮脆肉嫩，點酸甜汁特別開胃，仲可以食多幾舊。下次經過佐敦都要黎呢間買先得。