呂錦記手撕雞專門店 (筲箕灣道)

Open Now

Now Closed

有時出街買手撕雞加餸，味道多數係原味、麻油味或者辣味，第一次見手撕雞有咁多種唔同味道，想試吓惹味刺激少少嘅，但又怕太辣，店員推薦了西域孜然手撕雞($60/半隻)，話唔會好辣，仲好惹味添。打開個蓋，一盒半隻雞係足料，孜然香氣撲鼻而來，食落唔會太重孜然味，但就一定食到孜然嘅香，所以調味份量控制得非常好。選用土雞雞隻，雞肉肉質稍韌有咬口。除了手撕雞，還有古法蟲草花水晶雞($88/半隻)，面層鋪上蟲草花，用錫紙包裹原隻蒸，這種隔水蒸雞的做法，令雞隻色澤透明、皮滑、肉嫩，錫紙還保存了雞肉汁，令雞肉吸收蟲草花的香味，吃罷的確滑溜多汁～