潮洲滷 (Closed)

Mami 突然間打電話今日無買餸，我就梗係買啲嘢返去加餸，就咁炒兩個菜就OK。😆尋尋覓覓，見到呢間滷水店❤️一定啱屋企人心水。店家好nice，見我好迷惘，就推介我幾款～滷水鴨半隻$68滷水鵝翼$50三隻豬耳 大$25屋企人都大讚滷水汁好香八角味呀！味道回甘，好高質👍🏻鴨肉肉質細嫩紮實，咬落有汁，煮得啱啱好。鵝翼又淋又入味，送酒一流。豬耳香脆無雪味，令人忍唔住食多幾條。最尾店主仲送咗啲豆腐俾我添！🥰感覺好溫馨！