点心代表 (Closed)

Dim sum icon又出新cross over主題，今次竟然係充滿童年回憶嘅加菲貓。上菜速度真係好快，話咁快就擺到一枱都係點心，都唔知食邊樣好先哈哈。帶子燒賣x蝦餃今次燒賣升級左，加埋帶子，幾有新意幾好食。蝦餃嘅餡料都好多，不過外皮依然厚左少少。流心奶黃西多士呢個造型100分嘅西多士上次都有叫，仲記得上次麻麻地，但今次真係令我改觀，麵包炸得外脆內軟，奶皇餡都適中，加埋糖漿真係又邪惡又好食。鮮奶蛋撻作為蛋撻愛好者點都要叫番個！一上枱我同朋友都諗緊點解明明叫鮮奶蛋撻，但係係橙色。應該係餐廳加左橙色色素，配合加菲貓主題。蛋撻皮夠牛油香，蛋漿亦幾香鮮奶味，可惜濕左少少，有啲黏底，我都係比較鍾意厚身嘅牛油皮。榛子馬拉卷個賣相夠曬可愛，可惜榛子味唔出，亦比較乾身，賣相撘救哈哈。奶黃流沙包又係飲茶必食嘅奶黃流沙包，奶黃餡都幾多，一按就流出黎，睇得食得又玩得！臘味糯米飯朋友大讚，冬天食真係一流，惹味得黎又暖胃！黑松露野菌飯一上枱就聞到濃濃嘅黑松露香，野菌都幾多幾足料，加上翠肉瓜，個人好愛呢個飯。最後3個人share埋兩個椰皇，真係飽得黎夠曬滿足。見到樣樣加菲貓都忍唔住想叫，3個女人竟然咁大食，真係