橫濱水手 (Closed)

早排經過見到新開半板海膽手卷優惠，所以決定一試。真係加拿大海膽，好好味好鮮甜，無唔新鮮海膽果種膠味，而且夠份量，40蚊抵食!之後就決定同哥哥去試，可以whats app落定單，就去到比錢坐底即刻有得食!其實我共食左三次，一次海膽手卷，一次海膽雙籽飯，但未必次次都係加拿大海膽，第二次就係韓國既馬糞海膽，雖然無加拿大咁甜，但一樣新鮮唔臭!第三次就醒水，問定有無加拿大海膽，有就衝左過去食!呢次係三文魚海膽飯，海膽質素穩定，不錯不錯!仲有小小蘆薈，我喜愛三文魚不過不失，係新鮮，但略嫌唔夠肥😂😂😂😂所以我係會繼續去食的。