Video
Read full review
2019-01-19
3333 views
近日愛上咗食泰國菜，今日約咗朋友去觀塘Happy Friday，朋友介紹呢間工廈內嘅泰國餐廳，所以就決定黎"Add Some Thai"啦。餐廳位於駱駝漆大廈，相當易搵。餐廳佈置充滿泰國風味，由於工廈面積較大，檯同檯之間有足夠空間感，坐得幾舒服。泰式酸辣鳳爪雜菜沙律 :酸辣鳳爪可以話係我食泰國菜必食小食之一，呢度嘅鳳爪沙律賣相精緻，分開兩個小杯盛載，岩晒二人同行嘅我地，一人一杯唔駛爭食。原隻海蝦雜錦海鮮冬蔭功 :由於我地兩個都鍾意食辣，咁又點可以唔叫返碗冬蔭功呢？呢度嘅冬蔭功份量算多，每人可以分到兩碗，配料亦非常豐富，除咗有好多蝦之外，仲有墨魚仔、蜆肉及青口等等，入口味道酸酸辣辣，非常開胃。香燒沙嗲雞肉串+香燒沙嗲豬肉串 :睇餐牌見到一份串燒得兩串要成$36咁貴，開頭都覺得唔抵，但串燒一上到檯，就即時無咁嘅諗法了。一串串燒有三大塊肉及兩件翠肉瓜，火喉控制得唔錯，唔會燒得太乾身，配埋沙嗲汁食，兩串真係話咁快就食晒。馬拉盞炒通菜 :通菜以馬拉盞炒過後依然鮮嫩香口，唔會炒得過老，味道亦唔太咸。黃咖喱鹹蛋軟殼蟹（三隻）配法式蒜蓉包 :每一小碟有半隻軟殼蟹放係黃咖喱汁內，賣相非常震撼，軟殼蟹經油
餐廳位於駱駝漆大廈，相當易搵。
餐廳佈置充滿泰國風味，由於工廈面積較大，檯同檯之間有足夠空間感，坐得幾舒服。
泰式酸辣鳳爪雜菜沙律 :酸辣鳳爪可以話係我食泰國菜必食小食之一，呢度嘅鳳爪沙律賣相精緻，分開兩個小杯盛載，岩晒二人同行嘅我地，一人一杯唔駛爭食。
原隻海蝦雜錦海鮮冬蔭功 :由於我地兩個都鍾意食辣，咁又點可以唔叫返碗冬蔭功呢？呢度嘅冬蔭功份量算多，每人可以分到兩碗，配料亦非常豐富，除咗有好多蝦之外，仲有墨魚仔、蜆肉及青口等等，入口味道酸酸辣辣，非常開胃。
香燒沙嗲雞肉串+香燒沙嗲豬肉串 :睇餐牌見到一份串燒得兩串要成$36咁貴，開頭都覺得唔抵，但串燒一上到檯，就即時無咁嘅諗法了。一串串燒有三大塊肉及兩件翠肉瓜，火喉控制得唔錯，唔會燒得太乾身，配埋沙嗲汁食，兩串真係話咁快就食晒。
馬拉盞炒通菜 :通菜以馬拉盞炒過後依然鮮嫩香口，唔會炒得過老，味道亦唔太咸。
黃咖喱鹹蛋軟殼蟹（三隻）配法式蒜蓉包 :每一小碟有半隻軟殼蟹放係黃咖喱汁內，賣相非常震撼，軟殼蟹經油炸後，入口鬆脆香口，加咗鹹蛋嘅黃咖喱汁辣之餘帶輕微甜味，加上一小塊香脆嘅法式蒜蓉包令口感更豐富。
食完咁多濃味嘢，飯返杯鹹檸樂就最寫意啦。埋單每人二百幾蚊，食到比普通泰國餐廳有特色嘅泰菜，果然係於泰國菜上再"Add Some Thai"呀。
Post
