地點：上環文咸東街
菜式：上海菜
餐牌：皇牌推介、健康菜飯類、湯麵類、小食類、涼拌類、餅類、都有套餐。
招牌生煎包 4隻 $30
招牌生煎包剛賣完，等左好耐先出，絕對熱辣辣上枱！一咬入去就爆汁，而個湯唔會太油。個底好脆，面頭灑上蔥花同黑芝麻粒。
麻醬手撕雞絲粉皮 $35
麻醬手撕雞絲粉皮好大碗。粉皮厚身大塊，加有幼條青瓜絲同粗雞絲，灑上白芝麻粒。麻醬超多，好重口味。
上海排骨菜飯 $42
上海排骨菜飯有排骨一開四件，炸得外脆內嫩，下底一碗白飯加菜心同蔥花。
蔥油拌麵
蔥油拌麵伴有炸脆脆同炸昆布。麪條幼身，醬油味濃，好香口。
皇牌套餐奉送豆漿一杯。豆漿用茶杯裝，係凍嘅，都幾好飲。
平日午餐時間好多人，好多外賣單，有堂食位十幾個。
