Video
Read full review
2017-03-31
235 views
上星期去創興既時候就留意到電梯中既廣告. 冇分時段都可以入座既放題, 而且新開張有DISCOUNT, 真係好吸引.急急腳拉到個都中意食放題既朋友, 等佢收工, 去到餐廳大約9點半。出LIFT就見到好成個神社咁門口, 好有氣派, 因為冇分時段同新開張, 我地避免左排長龍同死迫難迫, 即刻就可以入座, 真係食都食得開心D. 內部裝修充滿住日式味道, 以木為主. 門口仲有幾個好令屋形既卡位. 一坐低當然就係畫刺身. 刺身樣樣都好新鮮, 大甜蝦鮮甜, 完全冇雪味同腥味. 帶子同油甘魚雖然薄切, 但仍然肥美, 由其是油甘魚. 呈白色, 深紅既魚肉只佔左一少角. 三文魚竟然有得剔"三文魚腩", 實在太抵啦. 一條條既象拔蚌鮮甜, 爽口, 係放題中我食過最好既一間.壽司有和牛又有海膽, 海膽佈滿成個軍艦, 好CREAMY有質感, 真係好足料, 出面一舊都要成廿蚊呀. 炸物依度D芝士年糕表面有處理過, 多左一種脆脆既口感, 形危外脆內軟既對比. 炸紫薯餅第一次食, 好香紫薯味, 薯蓉夾雜住蕃薯粒, 餡料札實又豐富.燒物叫左芝士焗虎蝦同芝士焗蠔, 兩個都焗得香氣撲鼻. 前者係重沙律醬味, 而後者係
急急腳拉到個都中意食放題既朋友, 等佢收工, 去到餐廳大約9點半。出LIFT就見到好成個神社咁門口, 好有氣派, 因為冇分時段同新開張, 我地避免左排長龍同死迫難迫, 即刻就可以入座, 真係食都食得開心D.
內部裝修充滿住日式味道, 以木為主. 門口仲有幾個好令屋形既卡位.
一坐低當然就係畫刺身. 刺身樣樣都好新鮮, 大甜蝦鮮甜, 完全冇雪味同腥味. 帶子同油甘魚雖然薄切, 但仍然肥美, 由其是油甘魚. 呈白色, 深紅既魚肉只佔左一少角. 三文魚竟然有得剔"三文魚腩", 實在太抵啦. 一條條既象拔蚌鮮甜, 爽口, 係放題中我食過最好既一間.
壽司有和牛又有海膽, 海膽佈滿成個軍艦, 好CREAMY有質感, 真係好足料, 出面一舊都要成廿蚊呀.
炸物依度D芝士年糕表面有處理過, 多左一種脆脆既口感, 形危外脆內軟既對比. 炸紫薯餅第一次食, 好香紫薯味, 薯蓉夾雜住蕃薯粒, 餡料札實又豐富.
燒物叫左芝士焗虎蝦同芝士焗蠔, 兩個都焗得香氣撲鼻. 前者係重沙律醬味, 而後者係芝士既味道. 不過講肉量食蝦比蠔滿足得多. 隻蝦有成隻碟咁長架.
刺身食太多一品料理只點了很少, 其中對這個拳頭咁大既清酒帆立貝印象深刻, 帆立貝帶有微微既酒香， 熟度亦拿得岩台好， 不會過老。
整晚最驚喜既係天婦羅， 只裹住薄薄既炸漿， 內裡炸得好熱，炸蝦炸得乾爽, 蝦肉彈牙, 秋葵沒想到可以做天婦羅, 多左脆脆既咬口, 更易入口, 南瓜充滿水份, 外脆內軟 ,入口即溶. 真係好欣賞依度可以炸到有天婦羅味道, 口感之餘, 仲保持到食材既原汁原味.
最後食飽緊係要食甜品, 三款雪糕我地揀左綠茶同芝麻味, 我點的芝麻味很香, 唔會好甜, 同芝麻糊好相似, 仲食到粒粒芝麻粉. 朋友的綠茶雪糕,味道濃郁, 夠奶味, 甜度適中, 兩款都令人食得津津有味.
埋單兩人折完$442, 高水準又抵食. 做緊2人同行第3人半價添. 短期內趁未多人知一定會約多幾個FRIEND再食過.
Post
