神輿日本料理 (Closed)

今日放工後，黎到創興廣場5樓食放題。。一入到去，覺得環境好舒適。因為好開明，簡簡單單既日本裝式，d 枱既分佈唔會好密，而一張二人枱都夠寛。。可以擺多幾樣食物。唔知係咪平日關係，坐唔滿。坐底左，緊係叫野食先啦。本點餐紙，厚過本書。。。好期待。先講刺身，都有成14款，經常食到既都有。新鮮既，叫左既數量都俾足。特別推介北寄背同赤背。另外叫左少少壽司，壽司細細件，飯唔大舊，符合晒食放題既心態，細細件咁就可以食多幾款，試多幾款啦。 熟食方面，都試左幾野，豬頸肉其實唔錯，係咸左少少，燒蠔覺得唔夠芝士味。 野飲方面，有熱有凍，仲有酒飲。。其實都幾多選擇。整體黎講，野食上得快，新鮮夠熱，價錢中等，唔算特別貴，以後可以多個選擇。